ATXƏM sədri MQF-nin prezidentini təbrik etdi

(16 02 2010) |  Baxılıb: 124 | çapa vermək |

Milli QHT Forumunun prezidenti Rauf Zeyninin 50 yaşı tamam oldu. Bu münasibətlə Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) sədri İlham İsmayılov MQF-nin mərkəzi ofisində yubilyarı təbrik etmişdir. Təbrik məktubunda deyilir: “Azərbaycanda ictimai sektorun formalaşmasında on ildən artıq bir müddətdə göstərdiyiniz fəallıq və əzmkarlıq bu sektorun canlanmasında və inkişafında əvəzsiz yol oynayıb. Məhz bu xidmətin nəticəsidir ki, 2008-ci ildə ölkədə fəaliyyət göstərən QHT-lərin böyük əksəriyyəti sizə etimad göstərərək, sizi Milli QHT Forumunun prezidenti seçdilər. Hesab edirəm ki, ötən bu vaxt ərzində Siz QHT-lərin göstərdiyi bu yüksək etimadı doğruldaraq, onların problemlərinin həllində səylə çalışdınız. Sizi cəmiyyətdə fərqləndirən daha bir özəlliyiniz isə Türk dünyası ilə sıx bağlılığınız, Türk dünyasına təmənnasız xidmətinizdir. Biz bunun bariz nümunəsini ötən il Türkiyə-Ermənistan sərhədlərinin açılması məsələsinin gündəmə gəldiyi bir vaxta bir daha şahidi olduq. Daha sonra Azərbaycan-Türkiyə QHT İşçi Qrupunun yaradılması və cari ilin aprel ayında Bakıda Türk Dövlətləri QHT-lərinin Birinci Bakı Forumunun keçirilməsi də məhz sizin təşəbbüsünüzlə irəli sürülüb və bu yöndə işlər bu gün də uğurla davam etməkdədir”. ATXƏM-in Mətbuat xidməti [ Geri qayıtmaq ]